గమనిక:

ఈ బ్లాగులోని టపాలకు పెట్టే వ్యాఖ్యల్లో అసభ్య, అశ్లీల, అపఖ్యాతికర, దూషణ, విరుద్ధ, చట్టవ్యతిరేక, వివాదాస్పద, హానికర, అవహేళనాత్మక వ్యాఖ్యలు రాసేవారిపై చట్టపరమైన చర్యలు తీసుకోబడతాయని మనవి. దయచేసి గమనించగలరు.
Blogger Tips and TricksLatest Tips And TricksBlogger Tricks

బుధవారం, సెప్టెంబర్ 18, 2013

విఘ్నరాజ!

కవి పండిత రచయితృ బృందమునకు, వీక్షకులకు
వినాయక నిమజ్జనోత్సవ శుభాకాంక్షలు!

హెచ్చు తగ్గులు లేనట్టి హిత మనమున,
దరికిఁ జేరనిచ్చితిమి యందఱనుఁ బ్రేమఁ
గుఱియ; స్వార్థ మేమాత్రమ్ముఁ గోర మయ్య;
వేగఁ దెలగాణ మీవయ్య విఘ్నరాజ! (1)

మమ్ము బాధించినట్టి సీమాంధ్రులకును
మంచి బుద్ధిని దయసేసి, మమత గలుగు
వారలుగ మార్చి, దీవించి, వరము లిచ్చి,
వేగఁ దెలగాణ మీవయ్య విఘ్నరాజ! (2)

మాయ లేనట్టి వార; మమాయకులము;
కుడు మటన్నఁ బండు వటంచుఁ గూర్మి మీఱ,
సంతతము సంతసముఁ బూని, స్వాగతింప;
వేగఁ దెలగాణ మీవయ్య విఘ్నరాజ! (3)

తెలుఁగు వారందఱును నొక్కటిగను నుండి,
ప్రాంతములుగాను విడిపోవ బాగటంచు,
వేడుచుంటిమి ప్రార్థించి, పేర్మి మీఱ;
వేగఁ దెలగాణ మీవయ్య విఘ్నరాజ! (4)

ఆత్మ గౌరవోద్యమ మిది, యాదరించి,
యిష్టములఁ దీర్చి, యెడఁబాపి కష్టములను,
మమ్ముఁ గరుణింప వేడెద మనమునందు;
వేగఁ దెలగాణ మీవయ్య విఘ్నరాజ! (5)

2 కామెంట్‌లు:

మఠం మల్లిఖార్జున స్వామి చెప్పారు...

వినాయకుల వారు సీమాంధ్ర నాయకులకు సద్బుద్దిని ప్రసాదించేలా ఎంతో అద్భుతంగా విన్నవించారు.
బాధించిన వాడిని భేదించక బుద్దిని బాగు చేయమని మీరు చెప్పిన మాటలు, సద్బుద్ధి కలిగిన తెలంగాణా వాదుల బుద్దికి నిదర్శనం.
ఆ వినాయకుడు మిమ్మల్ని చల్లగా చూచు గాక.

మధురకవి గుండు మధుసూదన్ చెప్పారు...

ధన్యవాదాలు స్వామిగారూ!

కామెంట్‌ను పోస్ట్ చేయండి